(circa 2001)
Chhun ni herin tlai khua a thim
Turni a liam, chhawrthla a eng.
Hlim ni ka chhiar awm khua harin
I zun ngaiin vala ka riang.
Hmana tahna hlimna thlentu
Chhingmit tui far chhawlhnawn tuifim!
Hlimlai ni zawng nang ngaih tizual
Tawn loh kar zawng tawn ni thlirna.
Ni a sei thlawn, zan lah chatuan
Tlai khua varin lunglen a zual,
Chhun ni a rei ka van ruai e,
Nang nghilh lai reng a awm si lo.
Zing thla zarin lo thlawk teh la,
Hlim nui hiauvin kan vangkhuaah,
Lo lawi mai rawh run lum nuthai
Duh ai ka sam, tlai ni lenin!
(Title revision: Val Lunglen Duhaisam, "thil tha" la hmu ve lo te tan!)
A nalh hle mai.
ReplyDelete'Chhunni a rei kan ti, zankhua a sei leh si' tihte a awm tawh a. Nang erawh chu i rawn pen leh hret a, 'Zan lah chatuan' i'n ti mai a nia!! I bei nalhin, i sawi rei thiam khawp mai. Thil tha ka hmuh hma chu ni se a thluk ka siam duh ang a!! :D
Btw, 'Chhawlhnawn tuifim' tih hi - 'Chhawlhnawm' tih zawk tur a ni em??
Zaia Ka lawm em em e...'thil tha' hmuh hnu chuan kan ngawi hle hle mai a nih hi tiraw? Kima te leh Seki te ho zai pui atan ka'n dah vel mai mai a nih hi ;-)
ReplyDeleteNia, ka poetic licence ah min lo pawm sak a ngai ang. chhawlhnawn chu 'chhawl hal laia dangro tihnawngtu' atan ka hmang mai a ni e. Thanks.